2013 Papers
Level 1 Papers >> All Papers
COMP124Not offered in 2013 He Tomokanga ki te Ao Rorohiko

15 Points

Akoranga Tōmua
Kua kore he akoranga tōmua engari me āhei koe ki te whakarongo, ki te tuhituhi hoki ki te reo Māori.

He Kōrero Mō te Whakaako
Ko te mahi nui ko te whakahaere o te rorohiko. I te Wāhanga II ka ako i ngā āhuatanga e pā ana ki te tuhituhi i runga i te rorohiko, ā, ka hāngai ngā akoranga ki te tuhi o te reo rangatira. I te Wāhanga II ka whakahaere i ētehi atu pūmanawa rorohiko, arā ko te Ripanga (Spreadsheet), ko te Pūmanawa Whakapapa, ko te Ipurangi (Internet) hoki.

Ka tū tētehi whakamātautau i te mutunga:

Taenga mai ki te Karaehe
Me tae mai ki ngā kauwhau katoa. Me tae mai ki ngā ngohe katoa tae noa ki te wā kua mutu ngā mahi mo aua wiki.

Ngā Haora i te Wiki
Kotahi te kauwhau i ia wiki.
Kotahi te haora i ia wiki hei pānui i ngā kōrero i mua i te taenga atu ki te taiwhanga rorohiko.
E whā ngā haora, neke atu rānei i ia wiki kei ngā taiwhanga rorohiko.

Te Wātaka o Ngā Kauwhau

    Wiki Kaupapa
    1 20 Hōngo He Whakamārama
    2 27 Hōngo Rorohiko Āhuatanga
    3 3 Here-turi Pūrere Tā
    4 10 Here-turi Hoko Rorohiko
    5 17 Here-turi Tiaki Rorohiko
    6 24 Here-turi Ipurangi
    7 14 Mahuri Pātengi Raraunga
    8 21 Mahuru Pūmanawa Kauwhau
    9 28 Mahuru Pūmanawa Whetū
    10 5 Whiringa Rīpene Whakapapa
    11 12 Whiringa Pūmanawa Tākaro
    12 19 Whiringa Te Whakamātautau

Te Wātaka o Ngā Ngohe i te Taiwhanga Rorohiko

    Wiki Rā Tīmata Kaupapa Rā Mutu
    1 18 Hōngo
    2 25 Hōngo Whakauru 29 Hōngo
    3 1 Here-turi Tārikupu
    4 8 Here-turi Tārikupu 12 Here-turi
    5 15 Here-turi Reo Rauemi Māori 19 Here-turi
    6 22 Here-turi Whakapai Whakaahua 26 Here-turi
    7 12 Mahuru Te Hanga Tuhinga 16 Mahuru
    8 19 Mahuru Ipurangi I 23 Mahuru
    9 26 Mahuru Ipurangi II 30 Mahuru
    10 3 Whiringa Ripanga 7 Whiringa
    11 10 Whiringa Whakapapa 14 Whiringa
    12 17 Whiringa whakaoti mahi

Te Whakatakoto o Ngā Māka
E whitu ngā ngohe ka makahia i roto i te taiwhanga rorohiko. E rua ngā tuhinga roa me whoatu ki te kaiako. Kotahi noa iho te whakamātautau. Ka pēnei ngā ture ;

  • me tae atu ki te whakamātautau
  • me whoatu he tuhinga roa
  • me oti te nuinga o ngā ngohe.

Ki te kore koe e mutu i ngā mahi o runga ka hinga koe i te karaehe nei ahakoa te pai o ngā mahi kua whoatu.

Ka pēnei ngā māka;

7 * Ngohe ( 8%) 56%
2 * Tuhinga Roa (12%) 24%
1 * Whakamātautau (20%) 20%

Ngā Pukapuka
Kāore kau he pukapuka hei hoko mā te ākonga.

Ko te pukapuka mahi ka riro mai i te wiki tuatahi. Kei taua pukapuka ngā ngohe, arā, ngā mahi i te taiwhanga rorohiko. Kāore he utu mō taua pukapuka.

Ngā Taiwhanga Rorohiko
Ka noho ngā rorohiko ki ngā taiwhanga rorohiko. Ko RG.11 (Lab 4) te ruma mō tēnei karaehe. Kei reira te whā tekau o ngā Dell me ngā pūmanawa katoa mo te karaehe nei. Ka taea te tuku whārangi ki te pūrere ta, te tūhono hoki ki te ipurangi, heoi anō mehemea ka nui tāu mahi ka pā mai te utu ki a koe.

E tūwhera ana ngā kuaha o ngā taiwhanga rorohiko mai i te 8am ki te 8pm, i te Mane ki te Paraire. Ka whakairingia tētehi wātaka i runga i te kuaha kia mōhio ai koe he aha ngā haora kua rāhuitia ngā rorohiko mā tēnei karaehe, he aha hoki ngā haora e wātea ana ngā rorohiko. Ki te hiahia koe ki te mahi rorohiko i tua atu o ngā haora 8am ki te 9pm (Mane ki te Paraire) me tiki koe i tētehi kari Swipe.

Ngā Amuamu
Mehemea he raruraru tōu, he amuamu tōu me whakapā atu ki te kaiāwhina i te tuatahi, ki te kaiako i te tuarua, ki te pūkenga i te tuatoru. Ki te kore koe e whai hua me whakapā atu ki te māngai o te karaehe. Ki te kore tonu e pai me whakamōhio atu ki te tiamana o te tari, ki te tumuaki o te kura, ā, ko te otinga atu ko te Vice Chancellor o te Whare Wānanga.

Te Whanako Mahi
Kaua e tahae te mahi o tētehi atu. Ki te pena koe ka panaia koe i te karaehe, ka tukua tō ingoa ki te University Disciplinary Committee. Me tika hoki to tiaki i ō ake hōtuku.

Ngā Ture Whānui o te Whare Wānanga nei
E whai mai nei ētehi ture o te Whare Wānanga ka pā mai pea ki ngā mahi o tēnei karaehe:

He tirohanga whānui tēnei ki ngā whakahaeretanga reo Māori o te rorohiko. Ka whakahaere ngā pūmanawa o Microsoft Office i runga tonu i te reo Māori, ā, ka ako ngā āhuatanga kia māmā ake ai te tuhituhi i te reo Māori ki runga i te rorohiko. Ka tirohia hoki te whakamahi i ngā pūmanawa Tārikupu (Wordprocessor), pūmanawa Ripanga (Spreadsheet), pūmanawa Whakaaturanga (Powerpoint), me te pūmanawa Ipurangi (Internet) me te mea anō ko te reo Māori te reo whakahaere o aua pūmanawa. Tata ki te katoa o ngā mahi he mahi-ā-ringa, he mahi ki te taha o te rorohiko.

Corresponding Papers
COMP123 The Computing Experience

Lecturers and Tutors

Means of Assessment
Mahi i te karaehe/whakamātautau whakamutunga ōwehenga 1:0. Me oti pai ai te mahi i te karaehe ki tō te whakatau o te kaiwhakahaere o te karaehe.

Assessment Ratio
Mahi i te karaehe/whakamātautau whakamutunga ōwehenga 1:0.
Me oti pai ai te mahi i te karaehe ki tō te whakatau o te kaiwhakahaere o te karaehe.

Other Information
Me eke te mahi-ā-ringa ki te reanga ka whaktauria ai e te kaiwhakahaere o te karaehe.

Academic Integrity
Follow this link for Academic Integrity information.

Performance Impairment
Follow this link for information on Performance Impairment.

Student Concerns and Complaints
Follow this link for Student Concerns and Complaints information.

Application for Extension
Follow this link for information on applying for an Extension.

Review of Grade
Follow this link for information on applying for a Review of Grade.

University Regulations
Your attention is drawn to the following regulations and policies, which are published in the University Calendar:

  2007 FCMS. The University of Waikato - Te Whare Wananga o Waikato